EMDR ("Eye Movement Desensitization and Reprocessing") ass eng psychotherapeutesch Method, déi hëlleft traumatesch Erfarungen ze veraarbechten. Si gouf an den 1980er Joren vun Dr. Francine Shapiro entwéckelt an schafft mat bilateraler Stimulatioun, z. B. duerch Aen-Beweegungen. EMDR baséiert op der natierlecher Fäegkeet vum Mënsch, Informatiounen ze verschaffen. Studien hu gewisen, datt ongeféier 80 % vun de Leit mat enger einfacher posttraumatescher Stéierung scho no e puer Sëtzungen eng grouss Entlaaschtung spieren.

EMDR gëtt net nëmme bei posttraumatesche Belaaschtungsstéierungen agesat, mee och bei ville weidere psycheschen a kierperleche Problemer wéi Angscht- a Panikstéierungen, Glawenssätz, Phobien (z. B. Prüfungs- oder Fluchangscht), Trauer, Schlofstéierungen, chronesche Schmäerzen, Tinnitus, Allergien, Stress, Burnout, Selbstwäertzweifel, Leeschtungsblockaden, Gebuertstraumata, Depressiounen an no belaaschtende Liewenssituatiounen (z. B. Accident, Trennung oder Mobbing). Och kierperlech, sexualiséiert oder emotional Traumata kënnen op dës Manéier behandelt ginn.

Wichteg ass, datt EMDR nëmme vun qualifizéierte Fachleit mat spezifescher Ausbildung duerchgefouert gëtt, fir eng sécher an effektiv Behandlung ze garantéieren.